-
Po fwyaf lleol yw’r goedwig i’r Defnyddiwr Gwasanaeth y gorau i gyd, oherwydd cludiant bob amser yw un o’r problemau mwyaf. Gofalwch fod y tir yn addas ar gyfer anghenion eich Defnyddwyr Gwasanaeth. Mae peryglon yn ymwneud â baglu yn creu mwy o broblemau i rai buddiolwyr gydag anableddau.
-
Mae cyfleusterau toiled yn bwysig os bwriadwch fod yn y coedwigoedd am fwy nag ychydig oriau. Gellir hurio Portaloos ond ystyriwch adeiladu toiledau compost. Gweler www.compostingtoilet.org
-
Mae cysgod rhag y glaw yn hanfodol os ydych yn gwneud gwaith coed gwyrdd a gweithgareddau celf er mwyn i’r gweithgareddau barhau hyd yn oed mewn tywydd anffafriol. Os na cheir dim byd arall, gellid gosod tarpolin wedi ei glymu wrth goed cyfagos.
-
Ystyriwch y safle mewn perthynas ag anghenion arbennig eich Defnyddiwr Gwasanaeth. Er enghraifft, rhaid gwneud asesiad risg penodol ar gyfer rhywun gydag anableddau corfforol.
-
Gall Defnyddwyr Gwasanaeth gydag anawsterau dysgu gael problemau gyda pheryglon yn ymwneud â baglu ac asesu tymheredd eu corff eu hunain wrth weithio’r tu allan. Mae’n bwysig adlewyrchu hyn yn eich asesiad risg.
-
Naill ai gofalwch fod gan y safle signal ffôn symudol neu fod gweithdrefn frys ar gyfer galw pobl ar y ffôn wedi ei sefydlu.
-
Gofalwch fod mynediad addas i gerbydau’r gwasanaethau brys.
-
Dylai’r goedlan fod yn groesawgar. Gall planhigfeydd conwydd trwchus fod yn annymunol a chodi ofn arnoch. Mae’r Comisiwn Coedwigaeth yn teneuo coed i agor safleoedd a gwahodd mynediad. Mannau agored mewn coedlannau yn aml yw’r lleoliadau gorau ar gyfer gweithgareddau.
