<< mynd yn ôl | cynnwys | mynd yn ymlaen >>

2) BETH YW LLES?

Mae Sefydliad Iechyd y Byd yn diffinio iechyd fel “cyflwr o les ffisegol, meddyliol a chymdeithasol llwyr ac nid dim ond absenoldeb clefyd neu analluedd.” Cydnabyddir yn gyffredinol erbyn hyn y dylanwadir yn gryf ar iechyd corfforol gan ein cyflwr emosiynol. Ar yr un pryd dangoswyd bod gweithgaredd corfforol yn gwella symptomau o bryder ac iselder. Gellir bod mewn cyflwr o les felly drwy roi sylw i sbectrwm o ffactorau sy’n gysylltiedig â’i gilydd gan gynnwys ein lefelau o weithgaredd corfforol, cyfleoedd i gymdeithasu, lefelau o ddiddordebau cyffredinol, ein hagweddau a’n gweledigaeth ar gyfer y dyfodol, ein teimladau o werth cymdeithasol, perthnasau teuluol yn ogystal â’n gallu i sicrhau digon o incwm ariannol i gefnogi ein hunain a’n dibynyddion ac ar yr un pryd cynnal disgwyliadau economaidd realistig.