Diwrnod Rhwydweithio
Coedlannau Cymunedol
Adroddiad
Hydref 2007
Trefnwyd a chynaliwyd gan Grwp Coedlan Nanteos
a chefnogwyd gan y Rhwydwaith Coedlannau Cymunedol a Choed Lleol
Ar Hydref 12fed 2007 daeth pobl yn cynrychioli’r amrywiaeth o weithgareddau sy’n ymwneud â choedlannau Cymru at ei gilydd yn Neuadd Bentref Llanfarian. Prif amcan y diwrnod oedd cynnig cyfle i grwpiau ac unigolion sy’n ymwneud â choedlannau i drafod eu prosiectau gyda grwpiau coedlannau gwirfoddol eraill yng Nghymru. Roedd yn gyfle gwych i ddarganfod mwy am reoli coedlannau, cyllid, yswiriant, cyfansoddiadau, ysgolion coedwig ac ati.
Ar ôl rhagarweiniad bywiog gan Matthew Young o Grwp Coedlannau Nanteos, rhoddodd Jerry Langford olwg gyffredinol ar waith yr Ymddiriedolaeth Coedlannau yng Nghymru. Dilynwyd hyn gan ddiweddariad gan Katy Harris ynglyn â chynnydd prosiect Coed Lleol. Cyflwynodd Stephen Buckley o Gomisiwn Coedwigaeth Cymru strategaeth Gwell Coedwigoedd i Gymru a siaradodd am bwysigrwydd cymdeithasol coedwigoedd.
Neilltuwyd rhan fawr o’r bore i rwydweithio anffurfiol. Roedd yn wych gweld pawb yn siarad â’i gilydd yn frwdfrydig, yn cyfnewid syniadau ac yn ffurfio cynlluniau newydd. Darparwyd cinio bwffe a dewis o gacennau blasus, heb anghofio’r te a’r coffi oedd wrth law i helpu i gadw pawb mewn hwyliau da.
Daeth ymweliad yn y prynhawn i Goedlan Coed Tyllwyd, a reolir gan Grwp Coedlan Nanteos, â’r cyfan yn fyw gydag arddangosfeydd o felin lifio symudol, tynnu coed o’r safle gan ddefnyddio ‘shute’, rheoli coedlan yn gynaliadwy, gweithio gyda choed gwyrdd a cherflunio. Siaradodd Matthew Young am brofiadau Grwp Coedlan Nanteos o ran sefydlu’r prosiect hwn a’r llwyddiannau a’r anawsterau.
Mae’r adborth o’r digwyddiad hwn wedi bod yn gadarnhaol ac mae brwdfrydedd a momentwm bellach i gynnal digwyddiad tebyg yn y Flwyddyn Newydd. Os oes gennych unrhyw syniadau neu os hoffech fod yn rhan o’r digwyddiad nesaf yna a fyddech gystal â galw Katy neu Zena ar 01970 890441 neu ebostiwch coedlleol@smallwoods.org.uk.
Hoffai Coed Lleol ddiolch i Grwp Coedlan Nanteos am gynnal y digwyddiad hwn ac am gefnogaeth y Rhwydwaith Coedlannau Cymunedol. Hoffem yn bennaf oll ddiolch i bawb a dreuliodd amser yn teithio ar draws Cymru i gyrraedd y diwgyddiad hwn.
Rhestrir isod rai o’r sefydliadau a gynrychiolwyd yn y digwyddiad rhwydweithio hwn:
Grwp Coedlan Nanteos
Rhwydwaith y Coedlannau Cymunedol
www.woodland-trust.org.uk/communitywoodlandnetwork
Coed Lleol
Comisiwn Coedwigaeth Cymru
Cymdeithas y Coedwigoedd Bychain
Canolfan y Coedwigoedd Gwyrdd
Coppicewood College
Coetir Mynydd
A4E (Gweithredu dros Gyflogaeth)
Ymddiriedolaeth Coed y Bobl
Cwmni Cydweithredol Gweithwyr ‘Growing Heart’
Treftadaeth Llandre
Canolfan y Dechnoleg Amgen
Cynllun Addysg Coedwig Dyfi
Cydbwysedd mewn Natur/Balance into Nature
Creuddyn Conservation
Hafan...
ffotograffau gan Grace Crabb a Judy Walker