Bioamrywiaeth ac Asesiad Effaith Amgylcheddol:

Monitro a gwerthuso ar gyfer Ysgol Coedwig

Mae gan Ysgol Coedwig Cymru rai digwyddiadau hyfforddi newydd i gefnogi arferion da o ran rheoli coedlannau yn safleoedd Ysgol Coedwig Cymru.  Aeth Coed Lleol i ddiwrnod hyfforddi Fforwm Canolbarth Cymru a gynhaliwyd yn safle Ysgol Coedwig Ty Gwyn ger Forge, Machynlleth.  Arweiniwyd y gweithdy gan Rosie Carmichael, Arweinydd Ysgol Coedwig a Swyddog Cadwraeth Gwledig Cyngor Sir Caerfyrddin.  Amcan y diwrnod hyfforddi hwn oedd rhoi’r wybodaeth a’r sgiliau oedd yn angenrheidiol i ystyried hanes coedlan a’i bioamrywiaeth, ac i fesur a monitro effaith gweithgareddau ar yr amgylchedd hwn.

“Fel ymarferwyr sy’n ymwneud ag Ysgolion Coedwig dylem fod yn ymwybodol o’r effaith y gall gweithgareddau eu cael ar ein coedlannau, pam fod hyn yn bwysig a sut y gallwn fonitro hyn.  Mae angen i ni allu arddangos arfer gorau pan ddaw yn fater o ddatblygiad cynaliadwy”, Rosie Carmichael.

Bydd unrhyw weithgaredd a wneir yn y coedwigoedd yn cael rhyw fath o effaith, ond nid yw hyn yn golygu na ddylai pobl ddefnyddio’r goedwig.  Mae coedlannau wedi bod yn rhan hanfodol o’n hanes a’n treftadaeth.  Gall edrych ar y defnydd a wnaed o’r goedlan yn y gorffennol helpu i roi ffurf ar gynllun rheoli’r dyfodol.  Os hoffech olrhain hanes eich coedwig yna cysylltwch â’ch Cyngor neu eich Ymddiriedolaeth Archeolegol leol.  Mae Mapiau’r Degwm ar gael o tua 1840 ac o tua 1880 ymlaen mae’n bosibl fod mapiau Arolwg Ordnans ar gael.  Mae rhai o’r rhain yn nodi’r math o goed oedd yn bresennol ar safle a sut yr oeddent yn cael eu rheoli.

Mae’n arfer da cadw cofnod o newidiadau yn y goedwig a nodi ardaloedd o ddiddordeb arbennig neu rai sy’n arbennig o fregus.  Canolbwyntiodd y diwrnod hyfforddi ar ddulliau sylfaenol o fonitro’r goedlan, gan gynnwys ffotograffiaeth o bwynt sefydlog, trawsluniau a chwadradau.

Ymweliadau safle dilynol

Mae Amgylchedd Cymru ar hyn o bryd yn cyllido’r hyfforddiant hwn sy’n cael ei gyflwyno ym mhob un o ranbarthau Ysgol Coedwig Cymru.  Os oes gennych ddiddordeb yn hyn neu mewn hyfforddiant tebyg i chi eich hun neu os hoffech gynnal digwyddiad hyfforddi yn eich safle coedlan chi yna cysylltwch â Choed Lleol.

Cysylltiadau defnyddiol:

 Ysgol Coedwig Cymru: http://www.forestschoolswales.org.uk

Amgylchedd Cymru: http://www.environment-wales.org

Cyngor Sir Caerfyrddin: http://www.carmarthenshire.gov.uk

Back to Home Page...

Photos by Zena Wilmot and Mel Chandler